உன்னை எத்தனை முறை பார்த்தாலும் எனக்கு நிறைவு வருவதில்லை, அது ஏன் ? நீ எனக்கு திகட்ட திகட்ட தேனை ஊற்றி கொடுத்தாலும் நான் மயக்கம் தெளிந்த பின் உன்னிடம் தான் கையேந்தி நிற்கின்றேன்.
ஞான மார்க்கம் என்ற ஆன்ம தேடலில் போர் வீரனாக திகழ்ந்த என்னை, நீ மட்டும் எப்படி நொடி பொழுதில், என்னை பக்தியில் ஊற்றெடுக்க வைக்கின்றாய்.
நீ எப்போது இருவருக்கும் இடையே உள்ள தூரத்தை குறைக்க போகின்றாய். பல காலம் என் இதய கதவை திறந்து தானே வைத்திருக்கின்றேன்.
நீ ஏன் என் அரியணையில் அமர்ந்து ஆட்சி புரிய தயங்குகின்றாய். நீ எப்போது என்னை இரைக்காக பாடுபடாமல், இறையில் முழு நேரமும் கழிக்க வைக்க போகின்றாய்!!!
இந்த வரம் என்னக்கு மட்டும் அல்லாமல் என்னை சேர்ந்த அனைத்து சிஷ்ய, பக்த கோடிகளுக்கும் நீ அருள வேண்டும்.
